საკრებულოს თავმჯდომარე, ლევან სურმავა, კერძო სკოლა „სხივში“ სასკოლო კონფერენციას დაესწრო.
24 თებერვალს, მარტვილის მუნიციპალიტეტის კერძო სკოლა „სხივში“ 25 თებერვლისადმი მიძღვნილი სასკოლო კონფერენცია გაიმართა, რომელშიც მუნიციპალიტეტის 25 სკოლა იღებდა მონაწილეობას.
კონფერენცია შალვა კირთაძისა და თურქეთელი ქართველის – ორჰან ბერიძის მისალმებით გაიხსნა.
მოსწავლეებმა კონფერენციაზე დამსწრე საზოგადოებას, საბჭოთა ოკუპაციის დღესთან დაკავშირებით, მათ მიერ შესრულებული ნაშრომები და სხვადასხვა შემოქმედებითი ნომრები წარუდგინეს. 
ღონისძიებას, საკრებულოს თავმჯდომარე ლევან სურმავასთან ერთად ესწრებოდნენ: მუნიციპალიტეტის მერი თორნიკე ჯანაშია; მერის პირველი მოადგილე ალექსანდრე ხურცილავა; მარტვილის საგანმანათლებლო რესურს ცენტრის უფროსი პაშა გულორდავა; აკაკი წერეთლის სახელმწიფო უნივერსიტეტის პრორექტორი, ასოცირებული პროფესორი შალვა კირთაძე; თურქეთელი ქართველი, სტამბოლის „შოთა რუსთაველის კულტურის ცენტრის“ თანადამფუძნებელი, ქართული კულტურის, კერძოდ „ვეფხისტყაოსნის“ გამავრცელებელი თურქეთში ორჰან ბერიძე;
თურქეთელი ქართველი, სტამბოლის „შოთა რუსთაველის კულტურის ცენტრის“ საბჭოს წევრი შინასი ოზჯანი; გამომცემლობა „უქიმერიონი“-ს დირექტორი, ჟურნალისტი, პოეტი და საქართველოს მწერალთა კავშირის წევრი ნათია ჯიმშელეიშვილი.
ღონისძიების ბოლოს, მოწვეულმა სტუმრებმა კონფერენციაში მონაწილე მოსწავლეებს საჩუქრად წიგნები გადასცეს.
